2 қараша күні Дауқара орта мектебінде «Мен чемпионмын!» атты сайыс өтті. Салауатты өмір салтын насихаттау мақсатында өткен шараға  5-11 сынып оқушылары қатысып, белсенділік танытты. Сайыс салтанатты түрде  ашылды. Мектеп директорының м.а. Жахиена Ұ.Қ. қатысушыларды құттықтап, сәттілік тіледі. Сайысқа «Арыстан», «Қыран», «Сәттілік» топтары қатысты. Мектеп  директорының тәрбие ісі жөніндегі орынбасары Сердалина А.С., физика пәнінің мұғалімі Мұқажанов Ғ.Қ., ағылшын тілі пәнінің мұғалімі Мажикеева Қ.А. әділ қазылар мүшесі болып сайланды. Сайыскерлер   топтың аты, ұранымен таныстырып шықты. Сайыстың соңында жеңімпаздар  мақтау қағазымен марапатталды.