Дауқара орта мектебінде 01.10-01.11.2018 ж. аралығында қарт адамдарға құрмет көрсету, оларға көмектесу мақсатында «Парыз» айлығы жоспары жасалып, соған сәйкес бірталай шаралар жүзеге асырылды. 1-11 сынып  жетекшілері қариялардың  қатысуымен тәрбие сағаттарын өткізу. Мектеп  кітапханашысы  Мажикеева Ж.Н. «Қарттарым – асыл қазынам» көрмесі. тақырыбында кітаптар көрмесін ұйымдастырды.  Мұғалімдер күні мерекесіне мектебіміздің  қарт ұстаздары - Нұрғалиева Сәния Жүсіпқызы, Жағыпарова Зипа Жағыпарқызы шақырылып, балалардың мұғалімдерге арналған концерттік бағдарламасын  тамашалап, ризашылықтарын білдірді. 9 қазан күні «Асыл жанды, ардақты қарттарым-ай» тақырыбында «Жарқын С К» ЖШС және мұғалімдердің демеушілігімен 60 жастан асқан 66 адам мектепке шақырылды. Оларға  мерекелік дастархан жайылып, әдеби-музыкалық кеш ұйымдастырылды. Ауыл қарттары риза болып, өздерінің баталарын берді. Айлық аясында мектеп «Тимуршылар» командасы Жағыпарова Зипа апайға көмекке келіп, қысқа даярланған отындарын үйісті, басқа да  көмектерін көрсетті. Сондай-ақ оқушылар денсаулығына байланысты жүре алмайтын Киманов Асығат атаның үйіне барып, мерекемен құттықтап, көмектерін көрсетіп келді.