Дауқара орта мектебінде 21қаңтар - 31 қаңтар аралығында сынып жетекшілер онкүндігі өтті. Жоспарға сәйкес әр түрлі тапсырмаларды орындауға бағыт-бағдар беру арқылы, оқушылардың танымдық, шығармашылық, ізденімпаздық, білімқұмарлық қабілеттерін арттыру, ұжымшылдыққа, имандылыққа тәрбиелеу мақсатында сынып жетекшілер тәрбие сағаттарын, бастауыш сынып мұғалімдері «Табиғатты аялайық, туған жерді бағалайық» атты сахналық көріністер көрсетті. Сондай-ақ сынып жетекшілер «Сынып портфолиосы» атты презентациясын қорғады. Сынып жетекшілер өз сыныптары туралы мәлімет беріп, жетістіктері туралы баяндады. Онкүндіктің соңында өткен іс-шараларға қорытынды жасау мақсатында дөңгелек үстел өтті.